micara babagan wayang

Nemokake Pitutur Luhur Saka Crita Wayang

Wayang kulit utawa wayang ourwa aiku wayang sing digawe saka walulang, nyritakake lelakon Ramayana lan Mahabarata. Kajaba wayang kulit, ana sawetara jenis wayang liyane, kayata:

1.    Wayang wong, yaiku wayang sing paragane wong, uga nyritakake lakone Ramayana lan Mahabarata.

2.    Wayang beber, yaiku mori kang digambari wayang ditontonake sarana dibeber, yen wis rampung banjur digulung maneh. Nyritakake lelakone Jaka Kembang Kunig karo Dewi Sekartaji.

3.    Wayang gedhog, yaiku wayang sing nyritakake lelakone Panji Asmarabangun (Raden Putra) karo garwane Dewi Candrakirana.

4.    Wayang klithik (krucil), yaiku wayang sing digawe saka kayu gepeng, nyritakake Prabu Kenya, Damarwulan, Minakjingga, lsp.

5.    Wayang golek (thengul), yaiku wayang sing digawe saka kayu awujud golek, nyritakake wong Agung Menak (jayengrana), Umar Maya, lsp.

6.    Wayang madya, yaiku wayang kulit sing nyritakake lelakone Parikesit saturunane.

7.    Wayang potehi, yaiku wayang golek kanthi lelakon wong Cina.

8.    Wayang sadat, yaiku wayang sing nyritakake lakon agama Islam.

9.    Wayang suluh, yaiku wayang sing nyritakake sejarah Indonesia lan kanggo penyuluhan.

10.    Wayang suket, yaiku wayang kang digawe saka suket, critane babagan kahanan saiki lan lumrahe kanggo pitutur utawa kritik marang pamarentah.

Crita wayang mesthi nyimpen pitutur luhur kang bisa kajupuk kanggo pitiduh lan pitutur kepiye nglakoni urip.