nyemak

Nyemak Crita Wayang

Sakjrone crita wayang ana pasinaon kang isa kajupuk amarga wayang iku pralambange manungsa. Barang-barang kang dinggo pentas wayang nduweni perlambang kaya:

1.  Wayang pralambange manungsa

2.  Kelir pralambange langit

3.  Debog pralambange bumi

4.  Blencong pralambange srengenge, rembulan, lintang

5.  Gamelan pralambange kabutuhane manungsa (sandhang, pangan, papan)

6.  Kothak pralambange sangkan paran

7.  Gunungan pralambange urip

8.  Cempala pralambange jantung

9.  Kepyak pralambange lakune getih

Wacanen wacan ing ngisor iki kanthi premati, banjurb gawenen ringkesane nganggp basmu dhewe! Garapen karo kanca sisihmu!

Wara Sembadra

Asmane kang asli Subadra. Ing pedhalangan akeh jeneng sing didhawuhi aksara irung, kayata : Setyaki dadi Sentyaki, Sekuni dadi Sengkuni, madraka dadi Mandraka. Dewi (wara) Sembadra, ya Dewi Rara Ireng utawa Dewi Widawati, putrid ing Banoncinawi. Sang putrid panuksmane Dewi Sri. Miturut pedhalangan, nalika Wara Sembadra dilamar dening Pandhawa nedya didhaupake karo Premadi, uga dilamar dening Prabu Baladewa nedya didhaupake karo Burisrawa. Nalika iku prabu Kresna lan Prabu Baladewa benceng kersa. Kersane Prabu Kresna nedya didhaupake karo premade, nanging prabu Baladewa kenceng kersane, sang Dewi didhaupake Buriswara. Wusana Prabu Kresna lan Prabu Baladewasarujuk supaya Pandhawa karo kurawa pada dene dipundhuti sasrahan 5 werna, yaiku bisa nekakae kreta Jatisura, bisa nekakake kebo danu pancal panggung 100 kanggo cucuking laku pangarake penganten, bisa nekakake widadari loro minangka patahing penganten, bisa ngundhunake wit Dewandaru lan Wijayandaru pepasren kaswargan minangka kembar mayang, bisa nganakake gamelan Lokanata. Kanggo nyerahake sasrahan 5 werna iku, Pandhawa andum gawe. Wrekjudara tinanggenah ngupaya kreta Jatisura, Gathutkaca kadhawuhan ngupaya kebo danu pacal panggung 100, wondene kang nedya nekakake widadari minagka patahing penganten, sarta wit Dewandaru Jayandaru lan gamelan Lokanata yaiku Premadi dhewe.

Wrekudara bisa ngleksanani kesaguhane sarana pituduhing gurune, yaiku Sang Dewaruci. Sang Dewa Bajang mretelake dunung kreta Jatisura ana ing kraton Singgela, rineksa dening Prabu Bisawarna. Gathutkaca bisa ngleksanani kesaguhane awit sarana pituduhe Anoman. Sang Anoman mretelake yen kebo danu 100 cacahe iku kagungane Bathara Iswara rineksa dening Resi Gana. Wondene Premadi bisa kelakon ngudhunake wit Dewandaru Jayandaru sarta widaadari loro minagka patahing penganten, awit saka pitulungane Kyahi Lurah Semar, Bathara Kamajaya lan Dewi Ratih. Wusanane Pandhawa kang bisa minangkani sasrahan 5 werna pundhutane Prabu Kresan lan Prabu Baladewa. Dewi wara Sembadra kerep dadi bakuning crita ana ing pagelaran wayang purwa. Kayata ing lakon Wahyu Makutharama, ing lakon Sukmandhadhari, ing lakon Abimanyu kerem, lan ing lakon Sembadra Larung.