Kerata Basa

Tembung Kerata Basa:

01. anak                      =          karêp åpå-åpå kudu ånå lan énak.

02. bapak                   =          bap åpå-åpå pêpak

03. batur                    =          êmbat-êmbating tutúr

04. bocah                   =          mangan kåyå kêbo, gawéyané ora kêcacah.

05. brêkat                  =          didèlèh mak brêg terús diangkat

06. cangkêm              =          yèn ora dicancang ora mingkêm.

07. cangkír                 =          kanggo nyancang pikír

08. cêngkír                 =          kêncêngé pikír

09. denåwå                 =          ngêdên håwå ngumbar håwå napsu

10. désèmbêr             =          gêdhé-gêdhéné sumbêr

11. dongèng                =          dipaido ora mêngèng

12. garwå                    =          sigaraning nyåwå

13. gêdhang               =          sagêd padhang, digêgêt bar madhang.

14. gêrang                  =          sêgêré wis arang-arang

15. guru                      =          kêna digugu lan ditiru

16. gusti                     =          bagusíng ati

17. januari                  =          hujan sabên ari

18. kaji                       =          tekadé siji

19. kathók                  =          diangkat sitók-sitók

20. kódhók                 =          tekå-tekå ndhódhók.

21. kotang                  =          sikute diutang

22. krikíl                     =          kêri ing sikíl

23. kupíng                  =          kaku njepipíng

24. kuplúk                  =          kaku nyêmplúk

25. kursi                     =          yên diungkúrake banjúr isi

26. ludrúk                  =          gulune gélo-gélo, sikile gêdrúg-gêdrúg

27. malíng                  =          njipúk amalé wóng síng ora elíng

28. mantu                   =          diéman-émani mêksa mêtu

29. måråtuwå              =          mårå-mårå kêtêmu tuwå

30. nopèmbêr              =          ånå sumbêr

31. oktobêr                =          untúb-untubé sumbêr

32. pébruari               =          yèn mépé mburu ari

33. prawan                 =          yèn pêpara (lêelungan) kudu wayah awan

34. saru                      =          kasar lan kêliru

35. sêjarah                =          sêjan ngarah (yèn dinå riåyå/Idul Fitri)

36. sêkutêr                =          sambi séndhéku mlayu bantêr.

37. sêpuh                   =          sabdané ampúh

38. simah                   =          isiné omah

39. sinóm                    =          isih enóm

40. sirah                     =          isiné rah

41. siti                         =          isiné bulu bêkti

42. sopir                     =          yèn ngaso mampír (ing warúng).

43. sruwal                  =          saru yèn nganti uwal

44. sulap                     =          yèn kesusu bakal ketilap.

45. tandúr                  =          nåtå karo mundúr

46. tåpå                      =          tatane kåyå wóng påpå

47. tarúb                    =          ditåtå supåyå katón murúb

48. tayúb                   =          ditåtå supåyå katón guyúb

49. têbu                     =          antêbé kalbu

50. tépas                    =          titíp napas

51. tuwå                      =          untune wis rowå, ngenteni metune nyåwå

52. wanitå                  =          wani ditåtå

53. wédang                 =          dianggo gawé kadang

54. wêdhus                 =          suwé ora tau adús

55. wêtêng                 =          ruwêt tur pêtêng

Daftar Pustaka:

Hartatik, Sri. Sari-sari piwulang Basa Jawi Pepak, Surabaya, Pustaka Agung Harapan.